LEGAZPI CITY – Pighayag kan Pambansang Lakas ng Kilusang Mamamalakaya ng Pilipinas (Pamalakaya) na nagsasadit na an saindang fishing ground sa norteng parte kan nacion huli sa pagsulputan kan mga Chinese vessels na hale sa West Philippine Sea.
Segun ki PAMALAKAYA Chairperson Ka Pando Hicap sa intrevista kan Bombo Radyo Legazpi na pigkokondena ninda an padagos na agresyon kan mga barko kan China asin pag-angkin kan mga ini bako sana West Philippine Sea kundi pati na an mga kadagatan sa norte na nagpapahiling kan saindang kawaran nin respeto sa domestic law kan Pilipinas.
Direkta man suboot na pigpapamate kan China na dae ninda pigbibisto an mga isinagibong bilateral agreement kun kaya makahandal an siring kaining sitwasyon huli ta bako epektibo an lakdang kan gobierno.
Punto niya man na naghihiwas an ilegal na pag-sakop kan China huli sa mga nanotaran na mga barko ninda sa norte na nagkakawsa nin takot sa mga parasisira asin dapat na maggibo na nin lakdang dapit digdi.
Pigtaram pa kaini na kadakol kaya an yamang dagat sa may parte kan Batanes asin Ilocos Region kun kaya pigdudumog an mga ini kan mga darakulang barko kan China.
Pangapodan ni Hicap sa China na punduhan na an pagsakop kan mga kadagatan sa mga nasambitang lugar asin dae na ipagdamay an mga saradit na pilipinong parasisira sa iwal ninda kan Estados Unidos.
 has announced that its fishing grounds in the northern part of the country are shrinking due to the invasion of Chinese vessels from the West Philippine Sea.){kind=link}