LEGAZPI CITY—Naka-code white alert status na ngunyan an Department of Health Bicol makalihis na itinaas na sa Alert Level 3 an Bulkang Mayon.
Segun ki Department of Health Bicol Head of the Public Health Preparedness and Response Unit Regional Epidemiologist Dr. Aurora Teresa Daluro, sa intrevista kan Bombo Radyo Legazpi, naka-preposition na an saindang mga medicines asin health commodities na pwedesir na maibarewas sa apektadong residentes huli sa pagputok kan bulkan.
Pig-asigurar man kan ahensya na magtitinir na mabaskog an kamugtakan kan mga residentes na presenteng nagtitinir ngunyan sa mga evacuation centers.
Dugang kan opisyal na bako sana an presenteng sitwasyon an saindang pighahandaan, kundi magin an posibleng worst-case scenario kun kaya nagpapadagos an saindang assessment sa mga lugar na apektado kan aktibidad nin bulkan.
Mensahe man ni Daluro sa mga apektadong pamilya na magin cooperative sa saindang ahensya nganing maasigurar man na sinda ligtas asin komportable sa mga pigtitiniran na evacuation centers.
