LEGAZPI CITY—Nakumpiskar kan mga otoridad sa Tabaco City an nasa tolong (3) improvised cannons o boga sa kasagsagan kan pagselebrar nin Kapaskuhan kan Miyerkules, Disyembre 24.
Segun ki Tabaco City Police Station Chief of Police, Police Lieutenant Colonel Virgil Bibat, sa intrevista kan Bombo Radyo Legazpi, nakumpiskar an mga boga sa mga menor de edad kun sain saro an gikan sa Barangay Cormidal asin duwa sa Barangay Panal.
Nakumpiskar ini mantang nagsasagibo nin mga pagpatrolya an saindang mga kapulisan sa ciudad.
Sa presente nasa kustodiya na kan Tabaco CPS an mga nakumpiskar na mga boga asin nakatalaan man na raoton an gabos na nakumpiskar na siring kaini nganing dae na magamit giraray.
Mientrastanto, nagpagiromdom man an opisyal sa mga magurang na en kaso mahiling ninda an saindang mga aki na igwa kaini an sinda na mismo magkumpiskar o i-turnover sa kapulisan huli sa delikado ini asin ngani naman na dae na makadiskwedo pa nin ibang tawo.
