LEGAZPI CITY- Aminado an mga otoridad na dae matapos-tapos an problema sa illegal parking sa ciudad kan Legazpi huli sa mga pasaway na mga drivers.
Segun ki Legazpi City Task Force Kalinisan at Kaayusan Andy Marbella sa intrevista kan Bombo Radyo Legazpi na saro ini sa mga nagkakawsa nin gubot na trapiko sa ciudad.
Napag-araman na magin an nagkapirang mga establishimento an nauulang man an operasyon huli sa mga nakaharang na mga behikulo.
Partikular man na tinuyaw kan opisyal an mga nagpaparada sa mga sidewalk na nakaka apektar sa mga pedestrians.
Segun ki Marbella na dae ninda mabantayan an gabos na mga tinampo urog pang nasa 70 barangay an saindang nasasakupan kaya nangapudan ini nin tabang asin kooperasyon sa mga motorista.
Patanid kan opisyal na mapapatawan nin padusa an mga ini oras na nagbabayolar sa mga ordinansa.
