Legazpi City- Proud na iniheras kan Schools Division Office kan DepEd Albay an naiuling honra kan mga 2 atleta sa kakatapos pasana na Batang Pinoy na ginibo sa Puerto Princesa Palawan.
Sa intrevista kan Bombo Radyo Legazpi kay Froilan Tena, an Spokesperson, SDO Albay , sa anom na atleta ma ipimadara para duwang sporting events partikular na sa Swimming asin Arnis sa Batang Pinoy nakapaguli an Albay nin 2 medalya.
Nakua ni Lineth A. Mataba kan Marcial O. Rañola Memorial School an Silver Medal sa Batang Pinoy 2024 National Championship Arnis Non-Traditional Anyo Double Weapon event.
Mantang sa Swimming ay nakua man ni Vishnupriya Dasi Briguera kan Bonga National High School an bronze medal sa 50m back stroke swimming compitition.
Segun pa kay Tena diit sana an naipadarang atleta kan Albay huli naman sa kadakol na training an mga coaches asin kabusyhan kan mga maestra magin kan mga estudyante sa pagpuno kan mga learning losses na nairehistro.
Sa ibong kaini dae man naging angat sa mga ipinadarang atleta an mga nairehistrong raot nin panahon asin iba pang sitwasyon sa pagtraining kan mga ini huli sa pinagtutukan asin padagos na suporta kan mga magurang asin coaches sa saindang training.
