LEGAZPI CITY- Ipig-oorgulyo kan syudad kan Legazpi an mga atleta na gikan sa saindang dibisyon katakod kan Palarong Bicol 2017.
Tinawan duon ni Legazpi Schools Division Supt Cecile Rivera na talagang tinutukan nindang maray kaibanan na an lokal na gobyerno an training kan mga atleta para sa gabos na sporting event.
Nagtao man suboot nin pakunswelong allowance an LGU na P2,500 kada atleta apwera pa sa libreng pagkaon asin uniform.
Kumpyansa si Rivera sa gabos na pambato kan syudad urog na sa mga swimmers na numero 1 sa bilog na rehiyon siring man an mga panlaban sa Taekwondo na igwa nin gold medalist.
Enot nang sinabi ni Mayor Rosal na target kan syudad na makabale maski sa Top 3 gikan sa pagigin Top 4.
Alagad sigon ki Rivera, over-all champion an mawot nindang magin titulo kan saindang dibisyon para sa Palaro.
Pinasalamatan man kaini bako sana an LGU Legazpi alagad siring man an presidente kan Bicol University na si Dr. Arnulfo Mascariñas huli sa suporta kan unibersidad sa event.
Nagpapahiling suboot ini na nagkakasararo an gabos ngani na mareyalisar an magagayon an obheto kan taunan na patiribayan sa manlaen-laen na sports.
