Nangapudan an Mayors for Good Governance ki Presidente Ferdinand Marcos Jr. na pangaranan na an mga tiwaling politiko asin kontratista sa likod kan mga palpak na proyekto sa imprastruktura, lalo na sa flood control.
Sa saindang pahayag kan Sabado, sinabi kan grupo — na kinabibilangan ninda Mayor Benjamin Magalong (Baguio), Mayor Vico Sotto (Pasig), Mayor Joy Belmonte (Quezon City), asin Mayor Sitti Hataman (Isabela City) — na haloy nang may katiwalian sa siring na proyekto asin kaipuhang manimbag an mga imbuelto.
Hinagad ninda sa Department of Public Works and Highways (DPWH) asin iba pang ahensya na iluwas an mga dokumento asin pangaran kan mga politiko asin kontratistang nakinabang sa labing P100 bilyong pondo, na napasiring sana sa 15 kontratista puon 2022 sagkod 2025.
Nagpuon an pangapudan sa pagkabahala ni Presidente Marcos sa kalidad kan mga proyekto, siring kan naraot na flood barrier sa Calumpit, Bulacan, kun saen nagpahayag siya nin pagkadismaya.
Mientrastanto, sinabi man ni Mayor Magalong na preparado siyang mag-volunteer na magin parte kan independent body basta ipaubaya saiya an pagpili kan mga imbestigador na magigin parte kan nasabing grupo.
Hinagad man kan alkalde na en kaso tugutan man siyang personal na mamili sa mga ahensya na magigin kaiba sa grupo.
