LEGAZPI CITY – Pig-aantabayanan na kan mga ALbayano an pormal na pagbubukas kan Magayon Festival 2017 sa probinsya kan ALbay.
An nasambitan na ka-fiestahan an saro sa mga pinakamaogma asin pinakamakolor na festival sa nasambitan na probinsya na pinaglalaoman man na makaka enganyar nin dakol na turista.
Tampok man sa nasambitan na selebrasyon an manlaen laen na mga aktibidades na madurar nin sarong bulan kun sain mapapano ini nin musika, pakawat, street dance presentations, asin an pagpapahiling nin gayon asin talento kan mga Mutya ni Daragang Magayon.
Katakod kaini, pig-imbitaran kan provincial government of albay an publiko na makisumaro asin makiogma sa pagselebrar kan gayon asin mabaskog na kultura kan Albay.
