LEGAZPI CITY – Padagos na pigbabantayan ngunyan kan Phivolcs an mga aktibong bulkan sa rehiyon katakod kan pigpapahiling an aktibidad kan mga ini.
Segun ki Phivolcs resident volcanologist Ed Laguerta, sa ngunyan nakakua na man sinda nin lote para sa paglalaag nin instrumento sa Mt. Asog sa Iriga asin an Mt. Isarog.
Katakod kaini, dakula an pasasalamat ni Laguerta sa dakulang katabangan suboot kan mga Local Government Unit kaya nagin madali sana an pagbakal kan nasambitan na lote .
Pighayag man ni Laguerta na kalmado ngunyan an duwang bukid alagad padagos na pigbabantayan kun magkakaigwa nin mga pagbabago.
Dugang pa kaini, wara man na wara man na dapat na ikahandal digdi huli ta 50 taon na an nakakalihis kan magkaigwa ini nin erruptions.
Mientrastanto, inako man kaini na nagtetenir na nagkakaigwa nin mga paghiro asin aktibidad an Mt. Bulusan sa probinsya kan Sorsogon asin an pamosong Mt. Mayon sa probinsya kan Albay.
Magkakaigwa man suboot nin asessment sa bulkan Mayon makalihis an pagsukol kan gas kaini ngani na mahiling an sitwasyon.
