LEGAZPI CITY – Bistado an modus kan sarong estudyante makalihis an matrayumpong entrapment operation na ikinondusir kan Daraga Municipal Police Station.
An suspek na binistong si Bill John Nieva, 19-anyos na 2nd year BS Meteorology student sa sarong bistong unibersidad sa Bicol.
Mismong an ina kan biktima na si Shyly Nodalo, 20-anyos na 2nd year college student kan Purok 6, Brgy. Baligang sa Camalig, an naghagad nin asistensya sa pulisya makalihis na sarong lalaki suboot an magbarkada digdi sa social media account asin nag-ofrecir na ibalik an cellphone kan aki.
Napag-araman na antes an insidente, nawara an cellphone kan biktima kan Miyerkules na banggi, Oktubre 2 na nagkakantidad P11, 000 na ikinaag sa bag na nawalat sa tukawan sa laog kan unibersidad.
Alagad naghahagad suboot nin karibay na P2, 000 an suspek tangarig na ibalik an cellphone.
Huli digdi, nagdesisyon na an mag-ina na magpatabang sa mga otoridad para sa magkakanigong aksyon laban sa suspek.
Ipighahanda naman sa presente an magkakanigong kasong kakahampangon kan nasabing estudyante.
