LEGAZPI CITY-Nagin ganap na all-time top goalscorer sa World Cup si Lionel Messi makalihis mailaog an enot na goal sa group game kan Argentina laban sa Austria sa FIFA World Cup 2026.
Sa tahaw kan dai pag-iskor kaini huli sa amay na penalty, natapos kan 38-anyos na si Messi an kawat sa saiyang tipikal na istilo, kun sain nailaog niya an ika-17 goal sa World Cup.
Nalagpasan niya si Miroslav Klose, na igwang kapot kan nabanggit na rekord poon 2014.
Makalihis ini, nakapag-score pa siya sa huring parte kan kawat para naman sa saiyang ika-18 na goal sa World Cup, kun sain natapos an laban sa score na 2-0 asin gana an Argentina asin kuwalipikado para sa knockout stage.
Si Messi, igwa na ngonian na score sa anom na magkakasunod na World Cup matches.
Marurumduman na an Argentina, nakapuntos nin hat-trick sa enot na 3-0 na kapangganahan kan saindang koponan laban sa Algeria ngani ki Klose.
Si Messi, igwa na sanang sarong assist ngani magin leading assist-maker sa historya kan World Cup, na presenteng nakatabla sa kapwa Argentine na si Diego Maradona.
