LEGAZPI CITY – Makabuluhan asin heartfelt an nagin mensahe kan mentor ni Miss Universe 2018 Catriona Magnayon Gray para sa natatadang nagkapirang bulan na reign kan Bicolana beauty queen.
Sa paghahapot kan Bombo Radyo Legazpi ki Carlos Buendia, creator kan popular na lava walk asin slow-mo twirl ni Catriona, nagpayo ini sa queen na dae nunca magbago dawa ipapasa na sa iba an titulo.
Nagtutubod man ining mahihiling man giraray an pagigin totoong queen ni Catriona dawa wara nang korona urog na sa dakulang puso kan 25-year old Miss Universe.
Paglaom pa suboot ni Buendia na dakol an nanudan kan mga tawo ki Catriona urog na sa pagigin matinao kaini sa kapwa.
Nagpasiring sa ciudad kan Legazpi si Buendia para sa pagmentor kan special training session sa Catwalk and Stage Performance kan mga jovenes na Bicolano na pageant asin modelling enthusiasts.
