LEGAZPI CITY — Kutsilyo na may sukol na sampulong pulgada an narekober sa sarong 18-anyos na lalaki na suspek sa pananaksak sa kapwa parasisira sa Barangay Banahao, Dimasalang, Masbate.
Enot kaini, pigpapakarahay suboot kan 16-anyos na biktima an lambat sa bangka na pagsadiri ni Florida Cabarles kan mag-abot an buyong na suspek na si John Paul dela Cruz.
Digdi na nagkaigwa nin mainit na argumento an duwa sagkod sa magbulnot nin kutsilyo si Dela Cruz asin sinaksak an biktima na tinamaan sa walang sapo.
Idinalagan ini sa ospital mantang tulos man na nagresponde an mga barangay tanod na iyo na an nagturn-over sa suspek sa Dimasalang Municipal Police.
Pighahanda na ngunyan an kasong isasangat kontra sa nasambitan na suspetsado.
