LEGAZPI CITY- Wara nang buhay kan madukayan an sarong 13-anyos na aking lalaki sa sarong barangay sa banwaan kan Pioduran, Albay.
Napag-araman na mismong an tugang kaini an nakadiskubre sa hawak kan biktima na nakabitay sa sarong kahoy harani sa harong kan mga ini.
Napag-araman na haros sarong semana nang nawawara an biktima makalihis na maghali sa harong na dae nagpapa aram.
Sa intrevista kan Bombo Radyo Legazpi ki PCI Arthur Gomez, tagapagtaram kan Albay PPO, ipighayag kaini na hinali na kan kapulisan an anggulo na nagbigti an nasambitan na aki huli sa posisyon kan pagkagakod kaini.
Segun sa opisyal, igwang gadod sa bitis an aki asin igwa man sa kamot na nakagakod pa sa magkasuway na direksyon na garing duyan an posisyon.
Narisa man kan mga otoridad an paso kaini sa saiyang hawak kaya pinagtutubudan na igwang foul play na nangyari.
Segun ki Gomez, sa presente igwa na sindang suspek sa krimen asin padagos pa ining pighahanap sa ngunyan urog nang labi an dagit kan pamilya kan biktima asin mawot na tulos na maarestar an suspek asin mapanimbag sa krimen na ginibo sa biktima.
