LEGAZPI CITY – Nagpaparahay na ngunyan an sarong 17-anyos na daragita makalihis magsapar nin lugad kan aksidenteng mabadil kan sarong security guard sa Gaisano Capital, Barangay Tugbo, syudad kan Masbate.
Segun sa Masbate City Police Station, naghahalat an biktima na si Laira Lupango sa ina kaini na si Helen Lupango sa nakapark nindang motorsiklo asin an suspek na si Adrian Capili an naglilibot sa lugar, aksidente kaining nakalabit an saiyang service na badil.
Tuminama an bala kaini sa daga asin tuminalbog na tuminama sa lawas kan biktima na tulos man na naidalagan sa ospital.
Nakatalaan man na isumite an shotgun sa Masbate Provincial Laboratory Office para sa Ballistic Examination.
Naisangat na man ngunyan an kasong Illegal Discharge of Firearms asin Physical Injury na kakahampangon kan suspek.
