Pinangenotan ni Jaren Jackson Jr. an Memphis Grizzlies sa saindang ikalimang sunod na gana makalihis na daugon an New Orleans Pelicans, 139-126.
Nag-ambag si Jackson nin 29 points asin pitong assist, mantang nagdugang si Luke Kennard nin season-high na 27 points.
Nag-iskor man si Desmond Bane nin 20 puntos asin nagtao nin 14 assist, na saiyang ikapitong sunod na kawat na may dae mababa sa 20 points.
Sa ibong kan pangengenot ni Dejounte Murray para sa Pelicans na may 26 poins, pitong assist, asin anom na rebound, dae ini nagin bastante nganing mapugulan an Grizzlies.
Sa ibong kan pagkawara nina Ja Morant kan Grizzlies asin Zion Williamson kan Pelicans nin huli sa mga kamatean, nagpahiling pa man giraray nin kusog an Memphis.
Nagpoon na mag-abanten an Grizzlies sa third quarter sa sarong 28-12 run, na nagtao sainda nin momentum asin kalamangan makalihis an nine-point deficit sa halftime.
Sa ultimong kabtang kan kawat, naabot kan Grizzlies an 18-point lead, na nagsemento sa saindang kapangganahan laban sa Pelicans.
