LEGAZPI CITY- Nag-aagrangay man an mga paratienda nin manok asin karneng urig sa Legazpi City Public Market huli sa labing pagmahal kan presyuhan.
Segun ki Legazpi Public Market Meat and Chicken section President Allen Macam sa intrevista kan Bombo Radyo Legazpi na sa presente nasa P200 kada kilo an live pork.
Huli digdi, an karneng urig an pigpapabakal man nin nasa P330 hasta P350 kada kilo.
Agrangay kan mga paratienda na haros wara na sindang ganansya huli ta dae man makakapag dugang nin presyo sa karne maski pa mahal an saindang pagbakal kan buhay na urig.
Huli digdi, nangapudan man nin pagsabot an mga paratienda kun igwang mga konsumidores an nasasakitan sa presyuhan.
