Suportado kan mga meat traders an desisyon kan adminisrasyon ni Presidente Ferdinand Bongbong Marcos Jr. na babaan an taripa sa imported na karne.
Base sa ipinaluwas na Executive Order 62 ni Presidente Marcos, ipinagsugo kaini an pagpapalawig pa kan hibabang taripa sa mga imported na karneng orig asin mechanically deboned poultry meat.
Segun sa Meat Importers and Traders Association, makakatabang an lakdang ngani na mamantinir an hibabang presyo nin karne sa merkado.
Lalo na ngunyan na taun-taon na naglalangkaw nin 15% an presyo kan karne huli sa halangkaw na demand hali sa China.
Idagdag pa diyan an padagos na pagmahal kan gastos sa pagbiyahe kan produkto huli sa mahal na presyo kan produktong petrolyo.
