LEGAZPI CITY — Nilinaw kan Municipal Disaster Risk Reduction and Management Office kan banwaan kan Sto. Domingo sa Albay na wara pang schedule para sa pagpasweldo sa mga benepisyaryo kan programa kan Department of Social Welfare and Development (DSWD) na cash for work.
Segun ki Maria Salome Villanueva kan MDRRMO-Sto. Domingo, wara pa sindang payroll huli sa nagpapadagos pa an programa sa Barangay Lidong asin Barangay San Isidro.
Pighahanda pa sana suboot sa ngonian an DTR o daily time record kan mga benepisyaryo base sa pigpipirmahan na daily attendance sheet asin tatapuson an 10 aldaw ngani na simultaneous an pagbayad.
Nilinaw pa ni Villanueva na dae pa man nagre-require nin cedula o ID para sa pag-claim kan sweldo sa disbursing officer kan lokal na gobierno.
Pwedesir man suboot na dae man maghagad pa nin ID huli sa may nagsuportang dokumento na lehitimong evacuees an nag-vail kan programa.
