LEGAZPI CITY-Nakahanda na an Municipal Disaster Risk Reduction and Management Office sa Pioduran Albay sa posibleng epekto kan pinangbabantayang LPA sa nacion.
Segun kay MDRRMO Pioduran Head Noel Ordoña, sa intrevista kan Bombo Radyo Legazpi na nakahanda na sinda kan nakalihis pang semana.
Ini bilang paghahanda orog na sa kanlurang bahagi kan saindang lugar kun sain nakakaeksperyenys nin makukusog na paguuran.
Sa katunayan kan nakalihis na mga aldaw, mahukol an kadagatan kaini durante kan LPA na si Francisco.
Padagos man an pag-monitor ninda sa kadagatan, magin sa kabuludan, sa mga river system, spillway, salog asin tulay ngani mamantenir an daluyan kan tubig asin warang nakaulang na mga basura.
Dugang pa ni Ordoña na preparado an team anumang aksyon enkaso ighwang peligrosong mga sitwasyon.
