LEGAZPI CITY- Magsasagibo pa nin dugang na assessment an Bacacay Municipal Disaster Risk Reduction and Management Office kasunod kan magnitude 5.3 na linog kasubanggi.
Segun ki MDRRMO Bacacay head Brayan Berdin sa intrevista kan Bombo Radyo Legazpi na makalihis an pagyugo kasubanggi, tulos sindang nag-deploy nin team ngani na mahiling an sitwasyon kan mga kostales.
Nahiling na normal man suboot an sitwasyon, alagad liwat na magsasagibo nin paglilibot ngunyan na aldaw ngani na masierto na salbado an gabos.
Basado sa inisyal na impormasyon, wara man na anuman na danyos sa mga imprastruktura asin kaharungan, alagad padagos an koordinasyon kan ahensya sa mga barangay officials ngani na masierto na salbado an mga namamanwaan.
Pighihiling kaya an posibilidad na dae na-monitor nin marhay an sitwasyon, urog pang banggi na kan mangyari an nasabing linog.
