LEGAZPI CITY-Kinumpirma kan Aroroy Municipal Disaster Risk Reduction and Management Office sa Masbate na dakol na mga residente an na-injured makalihis an pananalasa ni Severe Tropical Storm “Opong” sa saindang lugar.
Segun kay Aroroy Municipal Disaster Risk Reduction and Management Office Head Ronnie Atacador, sa intrevista kan Bombo Radyo Legazpi, na liwat bako pa beripikado an opisyal na numero, an dakol sindang na identipikar na mga na-injured, kun sain igwang mga nabagsakan nin kahoy.
Alagad pighahalat pa suboot ninda an opisyal na datops manungod kun pira an total na irido sa saindang banwaan.
Dagdag pa kan opisyal na bako pa normal sa presente an transportasyon asin kadaklan suboot an dai pa posibleng makalaog sa saindang provincia.
Wara man suboot nin mga na-stranded sa mga barko huli sa poon pa kan Miyerkules an nagpapaotob na nin “no sailing policy”.
Dugang pa ni Atacador na igwang inisyal na kabilugang 1, 632 na mga pamilya sa 4 na barangay an nagtetenir sa evacuation centers huli sa wara pa nin kuryente asin signal sa lugar.
Nasa 41 man na mga barangay an apektado sa nasabing provincia huli sa makukusog na paros.
Dakulang danyos man suboot an nagkalat sa saindang lugar siring kan mga light materials asin mga nagkararaot na mga bubong.
