LEGAZPI CITY — Nag-eksplikar si Mayor Noel Rosal na haloy nang pigpapaotob an ‘Takay System’ sa syudad kan Legazpi asin obheto sana kaini na matabangan an mga graduating na estudyante.
Sa paagi kan nasambitan na programa, pigpapatrabaho an mga magurang kan mga aki asin babayadan nin sadit na kantidad nin kwarta ngani na magamit sa mga babayadan kan mga estudyante.
Sa intrevista kan Bombo Radyo Legazpi sa alkalde, pighayag kaini na haloy nang pigpapaotob an siring na programa ngani na mabawasan an problema kan mga magurang sa babayadan sa eskwelahan.
Piglinaw man kan opisyal na haloy nang pigpapaotob an no collection police alagad pag-abot sa graduation, nagkakaigwa nin arrangement sa laog kan eskwelahan.
Segun ki Rosal, antes man na maghagad nin anuman na kontribusyon nagkakaigwa muna nin meeting ngani na makonsulta an mga magurang sa kun ano an mawot nindang mangyari sa pagtatapos kan mga estudyante.
Alagad kinakaipuhan suboot na siertuhon na an gabos na pighahagad sa ma magurang an inuyunan kan gabos asin pigagamit para sa graduation.
