LEGAZPI CITY – Inako kan alkalde kan syudad kan Legazpi na dakula an kakulangan sa doktor kan City Health huli sa kakulangan sa mga aplikante.
Katakod kaini, nangapudan si Mayor Noel Rosal sa mga doktor na wara pa suboot na trabaho na mag-apply sa syudad huli ta tatawan man ini nin magayon na kita karibay kan saindang serbisyo maski pa suboot part-time sana.
Pinayuhan man kaini an mga doktor sa City Heath na ibitaran na muna an magpara-ruluwas huli sa nagpapasiring an mga ini sa mga barangay nin huli ta napapabayaan na an pangangaipo kan syudad.
Nadisganar man an alkalde sa nagkapirang empelyado kan opisina huli sa nahihiling suboot kaining attitude problem kun kaya pighayag kaini na kun habo sa saindang trabaho asin bako maugma sa saindang pigigibo, mas makakarahay pa kun mag-resign na sana an mga ini.
Mientrastanto, pig-orgulyo man ni Rosal an City Hospital na madali na suboot na matapos asin pinaglalaoman na makaka-operate na sa Mayo o Hunyo ngunyan na taon.
Labi an kaugmahan kan opisyal sa magayon na resulta kan konstruksyon kan nasambitan na ospital huli ta gari man sana suboot ining pribado asin bukas na makapagserbi sa mga nagtitios na syudadano.
