LEGAZPI CITY – Kinumpirmar ni Tabaco City Mayor Krisel Lagman Luistro na nagkaolay na sinda ni Legazpi City Mayor Noel Rosal dapit sa dakulang diperensya sa presyo kan mga produktong petrolyo sa duwang syudad.
Segun ki Mayor Lagman, bako kontrolado kan Local Government Unit an paglangkaw asin pagbaba kan presyo kan petrolyo kaya wara suboot na magiginibo an mga lokal na opisyal.
An papel sana suboot kan LGU iyo an siyertuhon na marhay an kalidad kan pigpapabakal na produkto asin tama an sukol na pigbabayadan kan mga tawo.
Tinawan duon man kaini na dae maikokunsiderar na price war an nangyayari sa syudad kan Tabaco kontraryo sa pigtaram ni Mayor Rosal huli ta secopnomics suboot ini kun sain posibleng magkaigwa nin internal na pag-oolay sa pagultangan kan mga big polayers.
Sinimbag man kan alkalde an isyu na igwa suboot na barko na nagdadara kan mga produkto sa syudad kaya barato an petrolyo digdi kun sain pighayag ni Lagman na warang nakaka abot na siring na impormasyon sa saiya.
Alagad kun igwa man, wara suboot ining problema basta legal an pinaghahalian kaini asin legal an pagpapabakak.
