LEGAZPI CITY – Nag-alokar na nin pondo an gobyerno lokal kan banwaan kan Casiguran sa Sorsogon para sa student assistance program.
Segun ki Casiguran Mayor Edwin Hamor, ipigtagama an P5 milyong pondo para sa programang “OO Para sa Kaakian” kun saen an kada estudyante sa pampublikong eskwelahan an matatawanan nin tulong set nin T-shirts, mga bag, kalo, payong asin iba pang magagamit na bagay.
Sa kada semana man, makakaresibe man an mga benepisyaryo nin tinapay asin gatas.
Mawot kaya ni Hamor na maisertong igwa nin bastanteng school supplies asin maski masiram na merindalan an mga lokal na estudyante sa kindergarten hasta senior high school.
Ilulunsar an nasabing programa sa paglaog man kan school year 2017-18 ngunyan na Hunyo.
An nasabing student assistance program an mawot man kan alkalde na maging flagship program kan saiyang administrasyon.
