Warang espesyal na arrangement na ipagkakaloob ki Davao City Mayor Sebastian “Baste” Duterte sa paghampang niya bilang testigo sa impeachment trial kan saiyang tugang na Vice President Sara Duterte, susog sa Senate Impeachment Court.
Sinabi ni impeachment court spokesperson Atty. Reginald Tongol na pwedesir gamiton ni Baste an holding room na nakalaan para sa vice president kun mawot niya, mantang pwedesir man siyang magtinir sa komon na lugar kun saen pighahalat kan mga testgigo an saindang pagpapaapod sa laog kan Senado.
Segun ki Tongol, parte sana ini kan karaniwang proseso sa impeachment proceedings asin bako sarong espesyal na pribilehiyo para sa alkalde.
Sinugo kan impeachment court si Mayor Duterte na maghampang bilang prosecution witness sa Setyembre 28 o 29. Piglalaomang hahaputon siya mapadapit sa mga transaksiyon sa pagitan kan Davao City government asin GenCorp Industries, sarong kumpanyang idineklara ni VP Sara bilang business interest sa saiyang Statements of Assets, Liabilities and Net Worth (SALN).
Sinugo man an alkalde na magdara nin mga opisyal na rekord asin kontrata puon 2020 hanggang sa presente na may kinaaraman sa mga transaksiyon kan City Hall sa GenCorp asin sa anumang entity na nagmamay-ari o nagpapadalagan sa sangay kan Jollibee.
Nagin parte kan impeachment complaints laban sa vice president ang GenCorp matapos ideklara ni Sara ang saiyang interest sa kumpanya sa saiyang SALN.
Si Mayor Duterte an kabale sa testigong tinukoy kan House prosecution panel katakod kan mga alegasyon sa Article II kan impeachment complaint.
