Nadiskubre ni Senador Sherwin Gatchalian saro sanang tawo si Alice Guo asin Guo Hua Ping basado sa dokumentong itinao kan Board of Investment kan nag-apply an pamilyo Guo nin aplikasyon para sa Special Investors Resident Visa (SIRV) asin sa Bureau of Immigration.
Nakapalaog sa nasabing dokumento na naglaog sa Pilipinas si Guo kan Enero 12, 2003 na edad 13-anyos pa sana.
Pigsasabi man digdi na an nakarehistrong ina ni Guo Hua Ping an sarong Lin Wen Yi, na enot nang pinagdudahan ni Gatchalian bilang biological mother ni Mayor Guo.
Enot nang nanindugan si Mayor Guo sa Senado an sarong Pinay an saiyang ina nagngangarang Amelia Leal na dati suboot na katabang kan ama na si Guo Jang Jong.
Magigirumduman na inagyat ni Gatchalian si Mayor Guo na magsairarom sa DNA test kasabay kan pinagtutubudang ina na si Lin Wen Yi.
Alagad malabo na ining mangyari makalihis na mapag-araman ni Gatchalian na nagluwas na nin nacion an ama kaini asin an pinagtutubudang ina.
