LEGAZPI CITY- Pormal nang ibinaba kan Philippine Institute of Volcanology and Seismology (PHIVOLCS) sa Alert Level 2 status an bulkang Mayon ngonian na aldaw kasabay kan Huwebes Santo.
Sa pagkukumpirmar ni PHIVOLCS Dir. Renato Solidum sa ekslusibong intrevista kan Bombo Radyo Legazpi, ipighayag kaini an pagbaba kan alerto puon sa Alert Level 3 (decreased tendency towards hazardous eruption) pasiring sa Alert Level 2 (moderate level of unrest).
Segun ki Solidum, katakod suboot ini kan nairehistrong ‘general decline in unrest’ sa mga parametrong pigbabantayan sa nakalihis na duwang semana partikular na sa padagos na pagbaba kan volcanic earthquake activity asin rockfall events, pag-impis kan lawas kan bulkan sa paghubag, pagbaba kan buga kan asupre siring man an iba pang visual parameters.
Dugang pa ni Solidum na Marso 18 pa an pinakahudyan na naobserbaran na pagbulos kan lava na indikasyon man kan pagbaba kan suplay kan magma.
Mientras tanto, mantenido man an pag-alerto sa publiko sa paglaog sa 6-kilometers Permanent Danger Zone (PDZ).
