LEGAZPI CITY — Naobserbaran an duwang maluluyang lava fountaining episodes sa ngimot kan bulkang Mayon na nagdurar nin duwang oras siring man an pagbulos kan lava hale sa tuktok sa magdamlag makalihis na ibaba sa Alert Level 3 status.
Base sa latest volcano bulletin kan Philippine Institute of Volcanology and Seismology (PHIVOLCS), nagbubuga pa nin hasta 300 metro na abo an bulkan kasabay kan labi sa 70 volcanic earthquakes na nagresulta sa 13 rockfall events.
Nagkaigwa man nin diit na paglangkaw an buga ka asupre sa 4,459 tonelada sa laog nin sarong aldaw.
Mientras tanto, ipighayag ni PHIVOLCS Dir. Renato Solidum sa intrevista kan Bombo Radyo Legazpi na nagkaigwa nin recalculation sa volume kan total ejecta na nailuwas kan bulkan asin napag-araman na puon kaitong Marso 5, nag-abot ini sa 65 million cubic metres.
Katakod kaini, pigpapaalerto pa man kan ahensya an publiko sa huma kan lahar partikular na sa Brgy. Anoling sa banwaan kan Camalig hasta Brgy. Sta. Misericordia sa banwaan kan Sto. Domingo huli sa padagos na pagbulos kan lava asin pyroclastic density currents.
