LEGAZPI CITY- Padagos na pigtututukan kan lokal na gobierno kan Tabaco City an pangangaipo kan mga Mayon evacuees, na haros tulong bulan ng nagtetenir sa evacuation centers.
Segun ki Tabaco City Disaster Risk Reduction and Management Office head Gel Molato sa intrevista kan Bombo Radyo Legazpi na wara man na nairerehistrong seryosong problema sa salud kan nasabing mga persona.
Ini maski pa opisyal ng nagpuon an dry season sa nacion kun sain naeeksperyensyahan na an mainit na panahon.
Sinabi kan opisyal na komon na abo asin sipon an nairerehistro sa mga evacuation centers alagad tulos man ining natatawan nin atensyon.
Napag-araman na nagkokundusir man nin mga medical mission para sa mga internally displaced persons ngani na maitao an saindang pangangaipong pang-salud.
Mientras tanto, pinayuhan man ni Molato an mga ini na ibitaran muna an pagluwas asin magtenir na hydrated ngunyan na panahon kan tag-init.
