LEGAZPI CITY- Pinag-aadalan na sa ngunyan kan lokal na gobyerno an itataong penalidad sa may kagsadiri kan barge na nagsadsad sa baybayon kan barangay Padang asin pigkakahandalang nagkawsa nin danyos sa mga bahura.
PHOTO CREDITS: JOEL MEDINA
Sa intrevista kan Bombo Radyo Legazpi kay Kapitan Harold Bembenuto, Disyembre 18 pa kan magsadsad sa baybayon an nasabing barge na nahali an angkla asin natangkas sa pigkakabitang barko dara kan makusog na mga ukol nin dagat.
Pigkakahandalan kan opisyal na naraot an mga bahura sa lugar asin naapektaran an mga sira kung kaya desidong pagmultahon an may kagsadiri kaini lalo pang sarong sikat na diving site an parte kan kadagatan na mayaman sa mga marine animals.
Hasta sa ngunyan dae pa man nahahali sa lugar an barge na nagkaigwa nin mga luho dara kan pagsadsad alagad pigpapahidali naman suboot an pagpapakaray kaini.
Enot ng nagluwas an bareta na nagkawsa nin oil spill an nasabing barge, bagay na pinahimutikan man kan kapitan huli ta wara man suboot ining makina o kargang produktong petrolyo
