LEGAZPI CITY — Tinawang duon ni Presidential Adviser on Political Affairs asin Mayon Eruption Crisis manager Sec. Francis Tolentino na bako kasalan kan Metropolitan Manila Development Authority (MMDA) an naireport na raot na relief goods partikular na an may bukbok na bagas na naibarewas sa evacuees sa Albay.
Sa ekslusibong intrevista kan Bombo Radyo Legazpi ki Tolentino, solamenteng naghatod sana kan tabang an mga personahes kan MMDA na hale sa mga lokal na gobierno kan Maynila na pwedesir suboot nagkua man nin donasyon sa ibang lugar.
Dugang pa kaini na dae man ninda kontrolado an mga nagtatao nin donasyon asin bako gabos na naitaong tabang an may raot na posibleng nahaluaan sana.
Mas maray suboot na dae na sana paggamiton an bagas asin isipon na sana na kabilugang naitabang kan National Capital Region huli sa kun susumahon, maabot na suboot ini sa labi P50 milyon.
