Naging generally peaceful an ginibong hiro protesta kan manlaen-laeng progresibong grupo bilang paggunita sa ika-54 anibersaryo kan Martial Law sa Maynila, segun ki PBGen. Arnold Santiago, District Director kan Manila Police District (MPD).
Segun ki Santiago, naging maayos an kabilogang bulos kan mga aktibidad asin programa kan mga grupong nagpartisipar sa paggunita.
Siring man, nagkaigwa nin panandaliang tensyon sa pagitan kan mga pulis asin duwang estudyanteng nakisumaro sa programa sa Mendiola.
Tulos mang naresolba ang insidente asin ibinalik sa duwang estudyante an saindang mga cellphone na naenot nakumpiskar kan mga awtoridad.
Pasado alas 5:30 nin hapot kan magmartsa pasirng Mendiola ang mga grupong nagtipon sa Liwasang Bonifacio nganing digdi ipagpadagos an saindang programa.
Pag-abot sa Mendiola, nakipag-olay an mga lider kan manlaen-laeng grupo sa mga kinatawan kan pulisya. Makalihis an pag-oolay, tinugutan an grupo na idagos an saindang programa sa lugar.
Nagdurar nin labi 30 minuto ang programa antes ini matapos asin warang naireport na dakulang kariribokan.
