LEGAZPI CITY- Dae nag-atubili ang sarong para-antabay kan Bombo Radyo Legazpi na makisumaro sa Dugong Bombo 2024.
Marurumduman na ipigkondusir an simultaneous blood letting activity sa mga istasyon kan Bombo Radyo Philippines asin Star FM kan nakalihis na Nobyembre 16 alagad na reschedule ngunyan na aldaw an Bombo Radyo Legazpi asin Bombo Radyo Naga huli sa pangrarapado kan bagyong Pepito.
Segun ki Rolando Avila, na makalihis an saiyang trabaho bilang sarong guwardiya, nagdesisyon siya na magdonar kan saiyang dugo ngani na makatabang sa mga pasyente na nangangaipo kaini.
Pag-istorya ni Avila na haloy na siyang nagdo-donar nin dugo huli ta aram niya an importansya kan pangangaipo nin dugo sa panahon na nagkukulang an suplay.
Dugang pa kaini na bukas puso siyang magdodonar sa taun-taon na aktibidad kan Dugong Bombo huli ta saro ini sa mga paagi niya ngani na makatabang sa kapwa.
