LEGAZPI CITY- Magyon an nagin performance kan mga atleta hali sa provincia kan Masbate sa katatapos pa sanang Batang Pinoy.
Segun ki Masbate Schools Division Sports Division Officer Rufino Arellano sa intrevista kan Bombo Radyo Legazpi na uminangat an standings kan provincia hali kan nakalihis na taon.
Sa nasabing aktibidad limang bulawan na medalya an nai-uli kan provincia, kasabay pa an duwang silver asin pitong bronze medal.
Mas dakol ini kumparar sa tulong gold medal, sarong silver medal asin limang bronze medals kan nakalihis na taon.
Napag-araman na sa 164 na mga local government units, nasa rank 42 an provincia kan Masbate.
Mientras tanto, segun ki Arellano na saro sa mga naadalan ninda an pagigin handa urog pang an mga kalaban na mga atleta hali sa manlain lain na parte kan nacion an puga-puga man an preprasyon.
