LEGAZPI CITY – Nakipagtabangan an Masbate Police Provincial Office sa Pio Duran Municipal Disaster Risk Reduction and Management Office nganing ma-isalbar an limang menor-de-edad makalihis na pigporbar na i-recruit nganing magtrabaho sa Manila.
Segun ki Masbate Police Provincial Office Public Information Officer Police Captain Estrella Torres sa intrevista kan Bombo Radyo Legazpi na dakulang tabang an nagibo kan komunidad na marikas na pagdulok sa mga kapulisan nganing mapugulan an illegal recruitment na nangyari o iba pang krimen.
Nakapagsunad na man sinda nin kaso laban sa nadakop na illegal recruiter na nagdulag kan isagibo an operasyon.
Padagos man an saindang information dissemination asin social media awareness nganing magtaong kaaraman asin ma-impormaran an publiko mapadapit sa mga arug kaining pangyayari.
Pigtaram pa kan opisyal na pigkokonsidera ninda an operasyon bilang sarong akomplisyemento huli sa magayon na koordinasyon sa pagultangan kan manlain-laing law enforcement agencies.
Bako na man suboot bago para saiya an siring kaining mga kaso huli ta may mga nakipag-koordinar na man saindang ibang ahensya nganing ma-intercept asin tulos na masawata an human trafficking activities na nangyayari sa saindang provincia.
Pangapodan ni Torres sa magurang na bantayan an saindang mga aki mantang magin rigmat sa mga nangyayari huli ta pwedesir na nabibiktima na ini nin human trafficking asin tulos na ipagtaong aram sa pinakaharaning ofisina kan pulisya nganing matawan tulos ini nin magkakanigong aksyon.
