LEGAZPI CITY- Niyugyog nin Magnitude 3.5 na linog an provincia kan Masbate bandang alas-4:00 kasuodmang hapon.
Segun sa report kan Philippine Institute of Volcanology and Seismology (Phivolcs), naobserbaran an epicenter kaini sa distansyang 14 kilometro sa timog-sirangang parte kan ciudad kan Masbate sa rarom na 2 kilometros.
Tectonic an origin kaini mientras na namatean man an maluyang paghiro kaini na nag-abot sa Intensity 1 sa nasambit na ciudad.
Mientras tanto, wara man na nairehistrong casualty o danyos katakod kan paglinog.
