LEGAZPI CITY — Niyugo nin magnitude 4 na linog an provincia kan Masbate kasubagong aga.
Base sa Philippine Institute of Volcanology and Seismology (Phivolcs), nairehistro an sentro kan linog 13 kilometro sur-sirangan kan banwaan kan Claveria sa nasabing provincia.
Nangyari an pagyugo bandang alas 11:39 kasubago na may rarom na 13 kilometro.
Dugang kaini, tectonic an pinaghalean kan linog.
Naeksperyensyahan man an Intensity II na pagyugo sa ciudad kan Legazpi sa Albay asin Intensity I man sa ciudad kan Masbate.
Sa ngonian segun sa Phivolcs, warang naireport na danyos na dara kan pagyugo asin wara mang piglalaomang mga aftershock.
