LEGAZPI CITY- Nagin kakaiba an ginibong kick off ceremony kan Brigada Eskwela kan Masbate district huli sa mga programang ipiglansar kan mga paratukdo.
Afuera kaya sa simpleng programa, naglansar man nin income generating project an mga paratukdo asin stakeholders.
Segun ki Bolo National High School Brigada Eskwela Coordinator Sheila Argote sa intrevista kan Bombo Radyo Legazpi na nagkaigwa nin kanya-kanyang paninda an kada distrito siring kan mga gulay, prutas, kakanin, ukay-ukay asin iba pa.
An natipon man na benta o pondo sa nasabing aktibidad an pagbabarangaan kan mga eskwelahan na sakop kan distrito.
Ini suboot an gagamiton para sa pangangaipo kan mga eskwelahan asin mga estudyante.
Sa presente kaya, aminado si Argote na dakol man liwat na mga eskwelahan sa provincia an nakaka eksperyensya nin kakulangan sa mga classrooms.
Huli digdi, an iba an nagpapaotob na sana nin shifting kan klase ngani na maakomodar an gabos na mga estudyante.
Dugang pa kaini na ngunyan na school year, target man kan saindang eskwelahan na makapagpatindog nin dugang na mga makeshift classrooms.
