LEGAZPI CITY — Piglalaoman kan Police Regional Office 5 (PRO5) na magigin magayon asin mas makusog an kampanya kontra sa iligal na droga sa pagtatabangan kan pulisya asin Philippine Drug Enforcement Agency (PDEA) en kaso pormal nang mag-abot an direktiba sa pagbabalik kan mga ini sa war on drugs.
Magigirumduman na nagtao na nin pahayag si Presidente Rodrigo Duterte sa kamawotan na ibalik an PNP sa kampanya kontra sa illegal drugs mientras na nagkaigwa naman nin meeting an gabos na regional directors, PDEA personnel kaibanan si PNP chief D/Gen. Ronald dela Rosa sa Malakanyang sa pangengenotan kan presidente.
Sa intrevista kan Bombo Radyo Legazpi ki PNP Bicol spokesperson PS/Insp. Ma. Luisa Calubaquib, mantenido man giraray an PDEA bilang lead agency mientras na suportado man kaini an ahensya sa mga personahes sa street level crime.
Enot naman na ipighayag kan PDEA na an mga high value target an mayor na konsentrasyon kan mga operasyon.
Dugang pa ni Calubaquib na magin an intelligence sharing kan duwa an pinakusog sa mga provincial offices asin regional offices sa pagtataong-asistensya.
Inasegurar man kan pulisya na equipped an mga personahes sa pagbabalik sa war on drugs mientras na piglalaoman na an trayumpo sa pagpuho kaini.
