Mas halangkaw na kaltas sa bulanang kontribusyon sa Social Security System (SSS) kan mga pribadong sektor an masabat ngunyan na Bagong Taon.
Susog sa anunsiyo kan ahensya, puon sa Enero 1, 2025 mahalangkaw nin 15% an contribution rate sa SSS gikan sa 2023 contribution rate na 14%.
Susog sa SSS, hinalangkawan an contribution rate para mapahalangkaw an revenues asin masierto an long-term stability.
Sakop sa adjusted contribution rate an gabos na business employers asin employees, household employers asin workers, self-employed individuals o kasambahay, voluntary asin non-working spouse members siring man an land-based OFW members.
Para sa mga business employers asin employees, self-employed members, voluntary members, asin non-working spouse members, an minimum Monthly Salary Credit (MSC) mahalangkaw sa P5,000, mantang an maximum MSC nasa P20,000.
Para man sa household employers asin employees, an minimun MSC mahalangkaw sa P1,000 kun saen an maximum nasa P20,000.
Mantang sa land-based OFW members, an minimum MSC mahalangkaw sa P8,000 kun saen an maximum MSC nasa P20,000.
