LEGAZPI CITY-Kinumpirma ni House Prosecutor asin Manila Rep. Joel Chua na kaiba sa ihahampang nindang testigo sa impeachment trial an kontrobersiyal na si Mary Grace Piattos.
Segun kay Chua, si Piattos an material witness enkaso pag-olayan an isyu kan confidential funds ni Vice President Sara
Duterte.
Mientras tanto, kumpiyansa man si House prosecutor asin Bicol Saro Party-list Rep. Terry Ridon na matatapos sa oras an pagmamarka kan mga ebidensya sa impeachment case laban kay Vice President Sara Duterte bago an itinakdang pagpoon kan paglilitis sa Hulyo 6.
Sinabi pa niya na mas mariaks an proseso matapos dagdagan an mga evidence-marking stations, na nagtaong paagi sa mas episyenteng pagproseso kanmga dokumento kan prosekusyon asin depensa.
Naglalaom man an prosekusyon na makukumpleto an pagmamarka kan ebidensya ngonian na aldaw nin Huwebes, asin handa man na maghagad nin dugang na oras kun kinakaipuhan.
