LEGAZPI CITY- Malaki ang pasasalamat ng lokal na pamahalaan ng Libon, Albay sa tuluyang pagkakabuwag ng Conception criminal gang.
Ayon kay Libon Mayor Das Maronilla na maituturing niyang legasiya sa peace and order sa naturang bayan ang pagkakabuwag ng naturang grupo, na kilalang sangkot sa iba’t ibang krimen sa rehiyon.
Sa pagtatanong ng Bombo Radyo Legazpi sa naturang alkalde, sinabi nito na inaasahan na lalakas ang mga programa para sa turismo sa bayan dahil sa pagkakadakip ng mga kasapi ng grupo na dating kinatatakutan ng mga residente.
Maging ang mga negosyante umano ay magkakaroon na ng katahimikan.
Dagdag pa ni Mayor Maronilla na inaasahan rin nila ang pagkakaroon ng mapayapang halalan sa bayan dahil wala na ang Conception gang.
