Laog si dating Sen. Manuel Villar Jr. sa 15 Filipino tycoons na nasa listahan kan Forbes na mga bilyonaryo sa kinaban.
Pinakamayamang Pilipino si Villar sa net worth of $5.6 billion asin nasa ika-286 na pwesto.
Pigsusundan ini kan kagsadiri nin casino na si Enrique Razon sa net worth na $3.4 billion, asin nasa 565th spot.
Solamenteng an duwa sana an nasa Top 1000 World’s Richest.
Afuera sa duwa, kaibanan pa sa listahan kan mga mayayaman sa nasyon an apat na magturugan na Sy na aki kan nagadan na si Henry Sy na sinda Hans asin Herbert sa $2 billion mientras na sinda Harley asin Henry Sy Jr. an may $1.9 billion.
Kabali pa sa listahan sinda Teresita Sy-Coson ($1.8 billion), property tycoon Andrew Tan ($1.9 billion), luxury business developer Roberto Ongpin ($1. 7 billion), arlines, banking and cigarette magnate Lucio Tan ($1.7 billion), Jollibee Foods Corp. founder Tony Tan Caktiong ($1.7 billion), Elizabeth Sy ($1.6 billion), San Miguel Corp. president asin COO Ramon Ang ($1.4 billion), Robert Coyuito Jr. ($1.4 billion) asin Eduardo Cojuangco Jr. ($1 billion).
Compuesto an nasabing listahan nin 2, 095 na katawo asin nangengenot man giraray sa ikatulo nang sunod na taon si Amazon founder Jeff Bezos na may net worth na $113 billion.
Nasa US na pinakadakol na bilyonaryo na may 614, asin pigsusundan kan China sa 389 na nasa listahan.
Niluwas an nasabing listahan sa tahaw kan coronavirus pandemic na kinakahampang kan kinaban na rason tangarig na magsimbag man an pinakamayayaman sa paglaban sa helang.
