LEGAZPI CITY-Nangapudan an manlain-lain na sektor manungod sa mga isyung pigkakahampang kan nacion sa tahaw kan 54th Martial Law Commemoration Protest sa Legazpi City.
Segun ki Convenor Bayan Bicol Dan Balucio, sa intrevista kan Bombo Radyo Legazpi na gabos na sektor an apektado kan antas kan inflation, orog na sa Bicol Region na nasa 7% an inflation rate kan Mayo.
Kabale sa mga nakisumaro sa protesta an sektor kan transportasyon, partikularmente an condor piston bicol asin manibela, sektor kan mga paraooma na representante an mga kababaihan, mga estudyante asin sektor kan parasisira.
Pigpapangapudan ninda an padagos na paglangkaw kan barakalon, produktong petrolyo, asin gabos na bako marhay na pangyayari sa ekonomiya kan nacion.
Tinawan doon ni Balucio na sinda an pangenot na apektado asin pangapudan na dai dapat maglaom sa padagos na kadifisilan.
Kinakaipuhan man suboot na panimbagon an mga imbuelto sa kurapsyon sa administrasyong Marcos asin an haros P1.2 Trilyon pesos na ibinuhos sa flood control project alagad padagos man liwat an pagbabaha.
Dapat suboot na ilaag na sana ini sa mga social services, huli ta posibleng dakul an makinabang, siring kan posibleng makapagtugdok nin bagong mga klasrums, makapag-hire nin mga paratukdo, o kaya makapagtugdok nin bagong mga ospital asin makapag-hire nin bagong mga doktor asin makinabang an lambang sambayanang Pilipino.
