LEGAZPI CITY – Nagsagibo nin rehabilitation sa sarong creek an manhamiento kan Six In One Corporation (SIOC) sa sarong creek sa likod kan saindang Dressing plant sa Barangay Mayon, Daraga, Albay.
Segun ki Barangay Captain Joel Llandelar sa intrevista kan Bombo Radyo Legazpi na nagkaigwa sinda nin pag-oolay kaiba an Six In One Corporation dressing plant, Department of Environment and Natural Resources, Daraga Rural Health Unit asin sanitation department.
Nagkasundo an gabos na lado na magsagibo an korporasyon nin rehabilitasyon asin paglilinig sa creek kada bulan nganing mamantenir asin maibalik an kalinigan kaini.
Kapag matapos na an rehabilitasyon asin masyerto an kalinigan kan salog an nakatalaan mang bugtakan nin mga fingerlings fish nganing maibalik an dating nabubuhay digdi na mga hayop.
Pigtaram pa kan opisyal na base man sa napagkasunduan an magtatao sana sinda nin asistensya asin monitoring kada bulan sa korporasyon sa pagsasagibo nin rehabilitasyon nganing maibalik an creek sa normal.
Sa presente an, nahiling na ninda an padiit-diit na pagbabago sa salog arug kan pagbawas kan volume nin basura huli sa warang patod na paglilinig asin pagtanggal kan mga ini.
Mawot ninda na matapos na an paglilinig nganing mapakinabangan na liwat an sarong irrigation system na haloy nang dae napakinabangan huli sa maraot na parong kan tubig na nagbubulos digdi.
Pangapodan ni Llandelar sa saiyang mga kabarangay na ibitaran muna an pagdara nin mga atamang hayop nganing kariguson sa salog huli sa sitwasyon kan tubig asin sa padagos na paglinig nganing dae mabugtak sa alanganin an salud kan saindang mga ataman.
 conducted rehabilitation in a creek behind their dressing plant in Barangay Mayon, Daraga, Albay.){kind=link}