LEGAZPI CITY – Labi an pasasalamat kan manhamiento kan Legazpi City Police Station makalihis tawan honra kan Police Regional Office 5 komo Best City Police Station for calendar year 2025.
Segun ki Legazpi City Police Station Chief of Police Police Lieutenant Colonel Domingo Tapel Jr., sa intrevista kan Bombo Radyo Legazpi na dae niya piglalaoman na mapapabale sinda sa naunambitang award urog nang dakol man sindang pinag-agihan na interviews asin documentation.
Sa siring suboot kaining honra an napapakusog an saindang moral asin maghingoa nin maray sa saindang sinumpaang trabaho asin maserbisyuhan nin matanos an namamanwaan.
Nagpapasalamat man siya sa Albay Police Provincial Office siring man sa Lokal na Gobierno kan Legazpi CIty asin mga residentes para sa pagtataong suporta sa saindang operational asin administrative activity kan saindang ofisina.
Pigbuyagyag pa kan opisyal na nakalamang an saindang ofisina sa saindang kalaban sa naunambitang category iyo an pakikisumaro kan mga namamanwaan sa pagpapa-otob nin mga polisiya na nakatakod sa mga obheto kan Philippine National Police.
Pagdoon niya man na an mga sinundan niyang Chief of Police kan ofisina an nagin lyabi sa mga magagayon na aktibidad na saindang pinunan asin pigpapadagos ngonian sa irarom kan saiyang liderato.
Pagsyerto man ni Tapel na magpapadagos an saindang pagtatrabaho asin pakikipagtabangan sa Lokal na Gobierno asin mga residentes nganing mapa-otob an pazy orden na nakabase pa man liwat sa polisisya kan Gobierno siring man sa Pambansang Polisya.
