LEGAZPI CITY- Tinawan duon kan Kabataan Partylist Albay sa paagi ni Angelica De Mesa na nadisganar sinda sa pagpirma ni Presidente Rodrigo Duterte sa kasuguan na gibuhon na mandatory an Reserve Officers’ Training Corps (ROTC) sa gabos na Senior High School sa Pilipinas.
Inapubaran kan presidente an liwat na pagbalik kan ROTC kan Pebrero 8 kun sain sinabi kaini na mahigot nindang iiimplementar an Anti-Hazing Law ngani na maibitaran an mga kaso nin pagkagadan huli digdi.
Alagad maduon ining pigkokontra kan nasambitan na grupo kun sain sinabi ni De Mesa na nabigla sinda kan aprubaran ini ni Duterte huli ta haloy na nindang ipigpo-protesta sa gobyerno na dae na ipagbalik an ROTC sa High School.
Ikinahahandal suboot ninda ngunyan an mga insidente nin hazing deaths na pwedesir na liwat na mangyari sa nasambitan na programa.
Sinabi man ni De Mesa na nagigibo na sinda ngunyan nin lakdang ngani na maipaisi sa mga jovenes na bako ini an tamang paagi sa pagtukdo nin disiplina.
Suhestyon pa kaini, pwedesir man na ilaog an obheto kan ROTC sa ibang National Service Training Program (NSTP.)
Dugang pa ni De Mesa, bako sana dapat na pang-akademya an itukdo sa mga estudyante alagad siring man an mga impormasyon na nangyayari sa laog kan sosyudad.
Tinawan duon kan Kabataan Partylist Albay sa paagi ni Angelica De Mesa na nadisganar sinda sa pagpirma ni Presidente Rodrigo Duterte sa kasuguan na gibuhon na mandatory an Reserve Officers’ Training Corps (ROTC) sa gabos na Senior High School sa Pilipinas.
Inapubaran kan presidente an liwat na pagbalik kan ROTC kan Pebrero 8 kun sain sinabi kaini na mahigot nindang iiimplementar an Anti-Hazing Law ngani na maibitaran an mga kaso nin pagkagadan huli digdi.
Alagad maduon ining pigkokontra kan nasambitan na grupo kun sain sinabi ni De Mesa na nabigla sinda kan aprubaran ini ni Duterte huli ta haloy na nindang ipigpo-protesta sa gobyerno na dae na ipagbalik an ROTC sa High School.
Ikinahahandal suboot ninda ngunyan an mga insidente nin hazing deaths na pwedesir na liwat na mangyari sa nasambitan na programa.
Sinabi man ni De Mesa na nagigibo na sinda ngunyan nin lakdang ngani na maipaisi sa mga jovenes na bako ini an tamang paagi sa pagtukdo nin disiplina.
Suhestyon pa kaini, pwedesir man na ilaog an obheto kan ROTC sa ibang National Service Training Program (NSTP.)
Dugang pa ni De Mesa, bako sana dapat na pang-akademya an itukdo sa mga estudyante alagad siring man an mga impormasyon na nangyayari sa laog kan sosyudad.
