LEGAZPI CITY-Naka-alerto na an Malilipot Municipal Police Station ngani maasigurar an seguridad kan publiko sa obserbasyon kan Undas ngonian na taon.
Segun ki Malilipot MPS Chief of Police Police Captain Edito Raymond Torre, sa intrevista kan Bombo Radyo Legazpi, na naka-heightened alert na an saindang himpilan asin nakalataga naman an saindang mga kapulisan sa mga kalsada asin sementeryo.
Kun sain magigin supisyente suboot an mga kapulisan kun sain ipigdesignar sa 3 sementeryo sa saindang lugar.
Nagkaigwa man suboot sinda nin miting kairiba an iba pang mga ahensya.
Pinagbabawal man giraray suboot an pagdadara nin matatarom na bagay siring man an alak sa laog mismo kan mga semennteryo.
Pigiibitaran suboot kan direktibang ini an pag-krear nin anumang krimen sa laog kan kamposanto.
Abiso sa gabos na kun mahale pasiring sa kanya-kanyang sementeryo an dai na suboot magpost ngani maibitaran an anumang pagsalakay sa saindang mga harong.
Mientrastanto, padagos man suboot an pagpapatrolya kan mga kapulisan para sa seguridad kan publiko sa nasabing lugar.
